Arcelor-Mittal, Venturo XXI, Chupa-Chups... son exemplos de la ineficacia de la política industrial del gobiernu de PSOE-IU n'Asturies
"Les polítiques industriales d'esti gobiernu son la dilapación de subvenciones económiques a empreses ensin conseguir contraprestaciones y garantíes a cambiu", afirmó Faustino Zapico, portavoz nacional d'UNA.
"El gobiernu asturianu nun tien absolutamente nenguna credibilidá nin repetu por parte de los responsables de les empreses asitiaes n'Asturies", declaró Faustino Zapico. Asina mesmo añadió que "con Arcelor-Mittal había un alcuerdu que se ta incumpliendo sistemáticamente por parte de la empresa ensin que los responsables delgobiernu puedan imponer la so autoridá".
Faustino Zapico tamién fexo mención a la situación que sofren los trabayadores de Venturo XXI, "los fondos mineros derrocháronse en subvencionar empreses que teníen como únicu oxetivu y interés productivu la obtención d'estes subvenciones pa depués zarrar, ye'l casu actual de Venturo XXI o Alas-Aluminium, usando como escusa la crisis".
Nel casu de la fábrica de Chupa-Chups de Piloña tamién fexo referencia a la so alta productividá, en palabres delresponsable de la empresa, "y a pesar de ser una planta muncho más productiva que la ximielga que tien la empresa en Cataluña, esta decide concrentrar ellí la so producción". La causa d'esta actuación por parte de Chupa-Chups en pallabres de Zapico nun ye otra que "la falta de capacidá política que demuestren los responsables delgobiernu asturianu que nin siquiera nuna situación de ventaxa competitiva y con ayudes públiques recientes son quien a forzar pa que la empresa mantenga la producción n'Asturies".
0 comentarios:
Publicar un comentario en la entrada
Si quieres dejar tu comentario a esta entrada escríbelo aquí o bien envíanos un e-mail a la dirección: blogventuro@gmail.com y nosotros te lo publicaremos previa validación del administrador. Gracias a todos por participar.